مانچسٹر میں عطاء اللہ عیسٰی خیلوی کے کنسرٹ میں بد نظمی

مانچسٹر میں معروف پاکستانی لوک گلوکارعطاء اللہ عیسٰی خیلوی کا کنسرٹ بد نظمی کا شکار ہو گیا۔

غیر ملکی خبر رساں ادارے کے مطابق عطاء اللہ عیسٰی خیلوی کے مانچسٹر میں ہونے والے کنسرٹ میں پاکستانی کمیونٹی کی کثیرتعداد شریک تھی۔

کنسرٹ کے دوران شائقین اور سکیورٹی گارڈز کے درمیان جھڑپ کا واقعہ پیش آیا جس کے نتیجے میں کنسرٹ بدنظمی کی نظرہوگیا۔

https://twitter.com/MurtazaViews/status/1477788115393777664

انتظامیہ کا کہنا ہے کہ ایک نوجوان اسٹیج کے سامنے ڈانس کر رہا تھاجس پر سکیورٹی گارڈز نے اسے منع کیا تو اس پرہنگامہ ہو گیا۔

اس دوران کرسیاں مارنے سے کچھ افراد معمولی زخمی ہوئے۔

https://www.youtube.com/watch?v=y0OsQLuHNiw&t=62s

ہنگامہ آرائی کے دوران عطاءاللہ عیسٰی خیلوی کو شو چھوڑ کر جانا پڑا اور گلوکار کو سکیورٹی حصار میں ہال سے باہر نکال لیاگیا۔

دوسری جانب لوگوں کی بڑی تعداد نے کنسرٹ منعقد کرنے والوں کے خلاف شدید احتجاج بھی کیا۔