موضع ممیان میں بجلی کا مسئلہ حل طلب

جہلم لائیو (چوہدری سہیل عزیز)نواحی گاؤں ممیان میں بجلی کی لٹکتی تاریں اور وولٹیج کی کمی اہل علاقہ کے وبال جان بن گئی ،عوامی حلقوں کے توجہ دلوانے کے باوجود محکمہ کے ذمہ داران نے کوئی نوٹس نہیں لیا،گاؤں ممیان کی گنجان آبادی کے لیے آئیسکو حکام نے صرف ایک ٹرانسفارمر نصب کیا ہے ،جوکہ اس علاقہ کے لوڈ سے کم ہے ،اور ایک ٹرانسفارمرکی اشد ضرورت ہے ،کیونکہ ممیان شمالی محلہ میں گرمیوں میں تو ایک پنکھا بھی نہیں چل سکتا ،کیونکہ وولٹیج کی کمی ہے ،اس علاقہ کی صورت حال بجلی سے محروم آبادیوں کی سی ہے ،اہل علاقہ نے عوامی نمائندوں اور آئیسکو کے اربارب اختیار سے مطالبہ کیا ہے کہ گرمی کے موسم کا آغازہوچکا ہے ،لہذا ہماری حالت پر رحم کھاتے ہوئے فوری طورپر ایک اور ٹرانسفارمر کی تنصیب کروائی جائے تاکہ اہل علاقہ کو اس بار گرمی کے موسم میں اس صورت حال سے چھٹکارا مل سکے ۔