جہلم کی ضلعی انتظامیہ کا کرش پلانٹس کے خلاف کاروائی ۔
ڈپٹی کمشنر جہلم نعمان حفیظ کی ہدایت پر اسسٹنٹ کمشنر دینہ قاسم نے اسسٹنٹ ڈائریکٹر ماحولیات اظہار حسین اور پولیس کے ہمراہ کاروائی کرتے ہوئے دریائے جہلم کی پٹی پر واقع 18 کرش پلانٹس کو سیل کر کہ بجلی کے کنکشن منقطع کر دیے،
واپڈا کی مدد سے پلانٹس میں لگے تمام بجلی کے کھمبے بھی ہٹا دیے گئے۔
ڈپٹی کمشنر نعمان حفیظ نے اسسٹنٹ کمشنر دینہ کو ہدایت کی ہے کہ وہ غیر قانونی کرش پلانٹس کے خلاف بلاامتیاز کارروائی جاری رکھیں،
سیل ہونے والے کرش پلانٹس پر کڑی نظر رکھیں تاکہ وہ کسی بھی غیر قانونی طریقے سے بجلی کی سپلائی بحال کر کہ دوبارہ کام نہ شروع کر سکیں،
انہوں نے کہا کہ قانون کی خلاف ورزی کرنے والے کرش پلانٹس مالکان سے سختی سے نمٹا جائے گا۔
