امریکی گلوکارہ اور اداکارہ لیڈی گاگا نے اپنے ایک حالیہ انٹرویو میں بتایا کہ اداکاری کے آغاز میں اپنے کام کے حوالے سے کافی مشکلات کا شکار رہیں،انہوں نے اپنے کام کو نکھارنے کے لئے اپنےآپ کوتھپڑبھی مارے۔
برطانوی نشریاتی ادارے کے ساتھ ایک پروگرام میں اظہار خیال کرتے ہوئے لیڈی گاگا نے اپنی اصلاح کے حوالے سے کھل کربات کی ،گلوکارہ کا کہنا تھا کہ انہوں نے اے سٹار از بورن نامی اپنی پہلی فلم میں صلاحیتیں نکھارنے کے لیے کافی محنت کی۔
لیڈی گاگا نے مزید تفصیلات بتاتے ہوئے کہا کہ جب میں نے اپنی پہلی فلم شروع کی تو اپنے کام کو بہتر بنانا میرے لیے بہت مشکل تھا۔ مجھے معلوم ہے کہ یہ احمقانہ لگتا ہے لیکن ایک منظر کی فلم بندی کے بعد جب میں اپنے اندر بہتری لانے کے لیے الفاظ کا سہارا نہیں لے سکتی تھی تو پھرمیں نے خود کو تھپڑ مارا اور اپنے آپ کو مخاطب کرتے ہوئے کہا کہ آپ کو وہ تمام کام چھوڑ دینے ہوں گے جو آپ کرتی رہی ہیں۔ آپ کو صرف نئے حالات میں رہنا ہے۔اس طرح میں نے بہت تیزی سے سیکھا،لیڈی گاگا نے وضاحت بھی کی کہ ہاؤس آف گوچی کے ٹریلر میں’باپ، بیٹا اور گوچی فیملی‘ والا ڈائیلاگ اصل سکرپٹ میں شامل نہیں تھا لیکن ٹریلر میں اسے شامل کر دیا گیا۔ یہ لائن سن کر در اصل سب ہنس پڑے،اس فلم کا پس منظر اطالوی کاروباری شخصیت اور گوچی فیشن ہاؤس کے مالک موریزیو گوچی کے قتل کے حوالے سےواقعات پر مبنی ہے۔
