وزیر اعظم پاکستان کے معاون خصوصی اورجہانگیر ترین کے قریبی ساتھی عون چوہدری کے بارے میں بتایا جا رہا ہے کہ وہ کتاب لکھ رہے ہیں۔
عون چوہدری سابق وزیر اعظم عمران خان کے بھی کافی قریب رہے ہیں اور ان کی تیسری شادی میں بھی ان کا کردار تھا،اس لیے کہا جا رہا ہے کہ یہ کتاب انکشافات سے بھری ہو گی۔
عون چوہدری کی جانب سے اس بات کی تاحال تصدیق یا تردید نہیں کی گئی۔
تفصیلات کے مطابق سوشل نٖیٹ ورکنگ کے معروف پلیٹ فارم ٹوئٹر پر انگریزی جریدے کے رپورٹر ایاز اکبر یوسفزئی نے ٹویٹ کی ہے کہ عون چوہدری ایک کتاب لکھ رہے ہیں جو انکشافات سے بھری ہو گی۔
ایک بڑی خبر دزائع کے مطابق سابق وریر اعظم کے قریبی ساتھی اور موجودہ وزیر اعظم کے معاون خصوصی عون چوہدری ایک کتاب لکھ رہے ہیں جو انکشافات سے بھر پور ہو گی انتظار فرمائیے
— Ayaz Akbar Yousafzai (@ayazakbar786) April 27, 2022
اسی طرح یہ بحث چل نکلی،اور سینکڑوں صارفین نے اس پر تبصرے شروع کر دیئے۔
معروف صحافی مبشر لقمان نے بھی ٹویٹ کرتے ہوئے کہا کہ اگر انہوں نے وہ سب کچھ لکھا جو وہ جانتے ہیں تو یہ پی ٹی آئی کے حامیوں کے لئے کافی تکلیف دہ گا۔
I just heard Mr Aoun Chaudhry is writing a book on his days with #PTI> If he writes all what he knows then that will be earth shattering for supporters of PTI.
— Mubasher Lucman (@mubasherlucman) April 27, 2022
تاہم بعض صارفین نے اس خبر پر تنقید کرتے ہوئے کہا کہ عمران خان کی ذات پر کیچڑ اچھالنے کے لئے اس سے قبل ریحام خان بھی کوشش کر چکی ہے،لیکن اس سے کوئی فرق نہیں پڑے گا۔
ایک صارف نے لکھا کتاب لکنے کے بعد اس کی پی ڈی ایف فائل بنائی جائے گی ،اور اس کو فیس بک،واٹس اپ اور ٹوئٹر سمیت سوشل میڈیا کے مختلف پلیٹ فارمز پر اپلوڈ کیا جائے گا۔
مگر اس ساری بحث میں سب سے دلچسپ بات یہ ہے کہ عون چوہدری کی جانب سے اس خبر کی تصدیق یا تردید نہیں کی گئی،انہوں نے اس معاملے میں مکمل چپ سادھ رکھی ہے،لیکن ان کی جانب سے اس بات کی تصدیق نہ ہونے کے بوجود سوشل میڈیا پر پی ٹی آئی کے حامیوں اور ًمخالفین میں اس موضوع پر کافی تلخ بحث شروع ہو چکی ہے.
